Германиянинг Klassen фирмаси Land Rover Range Rover’нинг янгиланган махсус версиясини тақдим этди. Мазкур зирҳли машинанинг узунлиги 6,2 метрга етади. VR8 стандарти бўйича ҳимояланган версия 1,2 миллион еврога баҳоланмоқда, деб хабар беради Motor.
Klassen лойиҳанинг асоси сифатида Land Rover Range Rover Long версиясидан фойдаланган. Эшиклар орасида 1016 миллиметрли «вставка» ўрнатилган, шифт баландлиги оширилган, таг ва ён қисмлари, шунингдек, ойналари кучайтирилган. Машина бортида ёнғин ўчирувчи ва кислород захирасига эга автоном тизим мавжуд.
Мижознинг талабидан келиб чиқиб, немис ательеси Range Rover’ни VR8-VR9 стандарти бўйича зирҳлаши мумкин, яъни топ-версияси Range Rover Sentinel’нинг заводдаги ҳимоя даражасидан мустаҳкам.
Бундан ташқари, зирҳли лимузинга махсус Pirelli шиналари ўрнатилган бўлиб, у тешилиб қолган тақдирда ҳам 80 километргача масофани босиб ўта олади. Шунингдек, машина ностандарт очилувчи эшикларга эга: масалан, юкхона ён томондан очилади.
Узайтирилган салон ичидан уч қатор ўриндиқлар жойлашган бўлса-да, VIP шахс учун иккита жой ҳам бор, оёқларни узатиб ўтиришга кенг жой мавжуд. Интерьер алоҳида буюртма асосида жиҳозланади: ҳайдовчи ва йўловчини ажратиб турувчи ойна ўрнига монитор ўрнатиш мумкин, панорамали том очилади.
Klassen зирҳли йўлтанламаснинг техник жиҳатлари ҳақида маълумотларни ошкор қилмаган. Тахминларга кўра, машинага 525-565 от кучига эга 5,0 литрли V8 компрессорининг бензинли версияси ўрнатилган. VR8 стандартига эга зирҳ йўловчини Калашников автоматининг 7,62 калибрли ўқидан ҳимоя қила олади.
Оддий Range Rover лимузинининг нархи 750 минг евро туради, мазкур йўлтанламас эса 1,2 миллион еврога баҳоланмоқда.
Изоҳ (0)