Ўзбекистон Президенти Шавкат Мирзиёев 22 апрель, чоршанба куни, глобал инқироз ва пандемия шароитида мамлакат аҳолиси бандлиги масалаларига бағишланган видеоселектор йиғилишини ўтказди. Бу ҳақда Президент матбуот хизмати хабар берди.
Президент йиғилишда сўзлаган нутқида бутун Ўзбекистон халқини кириб келаётган Рамазон ойи билан табриклади.
Мана, жонажон Ватанимизга Рамазони шариф кириб келмоқда.Эслатиб ўтамиз, Ўзбекистонда Рамазон ойи 24 апрелдан бошланади. Аввалроқ Ўзбекистоннинг барча ҳудудлари учун саҳарлик ва ифторлик вақтлари маълум қилинган эди.Ушбу улуғ айём муносабати билан нуроний отахон ва онахонларимизни, қадрли ака-ука, опа-сингилларимизни, иймон-эътиқодли халқимизни чин қалбимдан муборакбод этаман.
Барчангизга тинчлик-омонлик, оилавий хотиржамлик, бахт-у саодат ёр бўлишини тилайман.
Бугунги ўткинчи қийинчиликларга қарамасдан, Рамазони шариф ҳар доимгидек хонадонларимизга, дилларимизга қувонч, юртимизга файз-барака бахш этади, бир-биримизга бўлган меҳр-оқибатимизни янада зиёда қилади, деб ишонаман.
Фурсатдан фойдаланиб, узоқ-яқин мамлакатлардаги мўмин-мусулмон биродарларимизни ҳам самимий табриклаб, уларга ўз номимдан, халқимиз номидан тинчлик ва фаровонлик тилайман.
Ҳаммамизга аёнки, Аллоҳ таолонинг марҳамати билан шаҳри Рамазонда эзгу ниятлар ижобат бўлади.
Мана шу муборак ойда барчамиз тутган рўзаларимиз, қилаётган дуои фотиҳаларимиз, хайрли амалларимиз шарофати билан барча мамлакатлар қатори эл-юртимизни ҳам ушбу офатдан тезроқ халос этишини Яратган Парвардигордан сўраб қоламиз.
Шавкат Мирзиёев, Ўзбекистон Республикаси Президенти
Ўзбекистоон Президенти Шавкат Мирзиёев ва Туркия президенти Ражаб Тоййип Эрдўғон 22 апрель куни бўлиб ўтган телефон орқали мулоқотда бир-бирини Рамазон ойи билан табриклагани ҳақида аввалроқ хабар берилган эди.
Изоҳ (0)