АҚШда бир сутка ичида коронавирус оқибатида 2751 киши вафот этди
АҚШда ўтган бир сутка ичида 2,7 мингдан ортиқ бемор коронавирус оқибатида вафот этди. Бу ҳақда Жонс Ҳопкинс университети маълумотларида келтирилган.
Маълумотларга кўра, ўтган бир сутка ичида 2751 киши коронавирус қурбонига айланган.
Таъкидланишича, АҚШда коронавирус билан касалланганлар сони 825 минг кишидан ошиб кетди. Мамлакат COVID-19 билан касалланганлар бўйича дунёда биринчи ўринда кетмоқда. Бутун дунёда эса коронавирус билан касалланганлар 2,5 миллиондан ошди. АҚШ ортидан Испания 204 минг бемор билан ўрин олган бўлса, учинчи ўринда — Италия (қарийб 184 минг) жойлашган.
Эслатиб ўтамиз, 15—16 апрель кунлари мамлакатда коронавирус қурбонлари сони бўйича кунлик антирекорд янгиланган эди — бир суткада қарийб 4,6 минг бемор вафот этган.
Аввалроқ АҚШда коронавируснинг иккинчи тўлқини биринчисидан ҳам хатарли бўлиши мумкинлиги тахмин қилинганди. Миссури штати бош прокурори эса коронавирус сабаб Хитойни судга берди.
Мавзуга доир: ЖССТ вакили коронавирус билан боғлиқ ўлим ҳолатларининг ҳисоб-китоби қандай олиб борилаётганини тушунтирди
