«Реал»нинг 2019 йил Ла Лигада урган энг чиройли 5 та голи битта саҳифада (видео)

«Дарё» футбол мухлисларининг талаб ва таклифларини инобатга олган ҳолда турли мусобақаларда урилган энг сара голларни тақдим этиб келмоқда. Ушбу лойиҳанинг навбатдаги сонида Мадриднинг «Реал» клуби футболчилари томонидан Ла Лига доирасида 2019 йилдаги энг чиройли голлари тақдим этилади. Голлар рейтинги beIN Sports талқинига кўра тузиб чиқилган.

5-ўрин. Браҳим Диас | «Реал Сосьедад»—«Реал» 3:1

2018/19 йилги мавсумнинг сўнгги тур ўйинларидан бирида «Реал» Браҳимнинг ушбу чиройли голидан кейин олдинга ўтиб олади. Бироқ кейинчалик Хесус Вальехо қизил карточка олади олади ва мадридликлар ўз дарвозасидан учта тўп олиб чиқади.

4-ўрин. Каземиро | «Атлетико»—«Реал» 1:3

Февраль ойида кечган баҳсда Каземиро чалқанча усулда зарба берган ҳолда дунёнинг энг яхши дарвозабони Ян Облакни доғда қолдиради.

3-ўрин. Дани Себальос | «Сельта»—«Реал» 2:4

Ҳозирда «Арсенал» сафида ижарада ўйнаётган Дани Себальос Вигодаги баҳснинг сўнгги дақиқаларида индивидуал маҳорат эвазига жарима майдонига яқинлашиб борган ва узоқ масофадан юқори бурчакни аниқ нишонга олганди.

2-ўрин. Каземиро | «Реал»—«Севилья» 2:0

Каземиро кескинлик ошиб бораётган ўйиннинг 78-дақиқасида ажойиб гол урган ҳолда мадридликларнинг ғалабасига ҳисса қўшганди. Томаш Вацлик ҳарчанд уринмасин тўпни қайтариб юборишга улгурмаганди.

1-ўрин. Тони Кроос | «Сельта»—«Реал» 1:3

Жорий мавсумнинг дебют ўйинидаги мазкур гол нафақат чиройли экани билан, балки муҳимлиги билан ҳам ажралиб туради. Биринчи бўлимдаги гол эвазига минимал устунлик билан олдинда бораётган «Реал» 56-дақиқада Лука Модричнинг четлатилишидан кейин бир киши кам бўлиб қолади. Орадан беш дақиқа ўтиб Тони ушбу голни уради ҳамда вазиятни юмшатишга эришади.