Республика махсус комиссиясининг қарорига кўра, 2019/2020-ўқув йили онлайн тарзда якунланади. Бу ҳақда Адлия вазирлиги матбуот хизмати хабар бермоқда.
Қайд этилишича, халқ таълими тизимидаги ташкилот ва муассасаларида 2019/2020 ўқув йили «online-maktab» лойиҳаси доирасида ташкил этилган масофавий телевизион видеодарслар орқали якунланади. Яъни, ўқувчилар сентябрь ойигача мактабларга бошқа бормайди.
Ўқитувчилар ва масофавий таълим жараёнини ташкил этиш учун зарур бўлган халқ таълими тизимидаги (таълим муассасалари, ташкилотлари, ҳудудий бўлинмалар) ходимлар ўз иш фаолиятларини масофавий тарзда (иш ҳақи тўланган ҳолда) давом эттиради.
Аввалроқ Адлия вазирлиги Республика махсус комиссиясининг қарори билан карантиннинг 2020 йил 10 майигача узайтирилганидан кейин амалга ошириладиган қўшимча чора-тадбирлар ҳақида маълумот берганди.
Изоҳ (0)