20 апрель, душанба куни, дунёнинг турли бурчакларида олинган энг қизиқарли суратлар жамланмасини тақдим этамиз.
Исроилликлар Рабин майдонида бош вазир Биньямин Нетаньяхунинг коронавирусга қарши жорий этган қатъий чекловларига қарши бош кўтармоқда. Намойишчилар 2 метрлик ижтимоий масофаланишга риоя қилган. Фото: Reuters
Карантиндаги Қаршининг дрондан олинган сурати. Фото: «Дарё»/Умид Нормуродов
Мьянманинг Янгон шаҳрида ўт ўчирувчилар коронавирусга қарши кураш доирасида дезинфекция воситасини бозор ичида пуркаб чиқмоқда. Фото: EPA
Буюк Британиянинг Лондон шаҳрида Шарлотта Уэбстер шаҳар автобусларининг ҳайдовчилари учун матодан ниқоб тикмоқда. Фото: Reuters
Токио шаҳридаги Синагава темир йўл бекатида тиғиз пайт вақтида юрган ниқобли одамлар. Ҳозирда мамлакатда фавқулодда вазият эълон қилинган. Фото: Reuters
Германиянинг Ханау шаҳрида ниқобли аҳоли суюкли жониворлари билан бирга сайрда. Фото: Reuters
Президент Дональд Трамп Оқ уйда ҳар куни ўтказилаётган брифинг вақтида мақсадли гуруҳнинг ҳисоботини тингламоқда. Фото: Reuters
Шарқий Тиморнинг Дили шаҳрида ниқобли савдогар сабзавотларни бозорга олиб бормоқда. Фото: EPA
Австралиянинг Сидней шаҳридаги Марубра пляжида сёрфинг учун ҳозирланаётган эркак. Ҳозирда Шарқий Сиднейдаги Марубра, Куги ва Кловелли пляжлари фақатгина жисмоний машқлар учун қайта очилди. Фото: Getty Images
Ироқнинг Нажаф шаҳрида тиббиёт ходими аёлдан коронавирус инфекцияси учун таҳлил олмоқда. Фото: Getty Images
Нидерландиянинг Роттердам шаҳрида 9 ёшли қизалоқ мактаби коронавирус туфайли ёпилгани учун уйда масофавий таълим олмоқда. Фото: Rex
Индонезиянинг Банда Ачех ҳудудида аскар Малайзиядан келтирилиб карантинга жойлаштирилган талабалар яшовчи пансионатни дезинфекция қилмоқда. Фото: Getty Images
Лондон шаҳридаги боғлардан бирида гуллар орасида велосипед билан сайр қилаётган аёл. Фото: Reuters
АҚШнинг Нью-Йорк шаҳрида ўзига қўлбола ниқоб ясаб, Жанки ва Зузу номли итлари билан сайрга чиққан аёл. Фото: Reuters
Австралиянинг Сидней шаҳридаги ҳайвонот боғида Даниэль Фокс ва денгиз шери бўшаб қолган ҳудуддаги фил ҳайкалларини томоша қилмоқда. Фото: Reuters
Испаниянинг Мадрид шаҳрида шифохона ходимлари жарроҳлик бўлими бош шифокорининг вафотига бир дақиқалик сукут билан ҳурмат бажо келтирди. Фото: Reuters
АҚШнинг Вашингтон шаҳрида мамлакатнинг кўплаб шаҳарларидаги каби карантин чекловларини бекор қилиш талаби билан намойишлар бўлиб ўтди. Фото: Reuters
Манилада назорат постидаги текширувлар сабаб улкан тиқилинчлар юз берди. Полиция 100 000 дан ортиқ одамлар карантин қоидаларини бузганини таъкидлади. Фото: EPA
Ироқнинг Мосул шаҳрида сартарош полиция ходимининг сочини олиб қўймоқда. Фото: Reuters
Шри-Ланканинг Коломбо шаҳрида бурнидан коронавирус учун таҳлил намунаси олинаётган қизалоқ. Фото: Reuters
Ҳиндистоннинг Мумбай шаҳрида коронавирус туфайли жорий этилган чекловлар шароитида велосипед билан ёпилган ўтиш йўли ва унинг фонидаги эркак киши. Фото: Reuters
АҚШнинг Калифорния штатидаги Энсинитас пляжида нур сочиб турган сув ўсимликлари. Фото: Reuters
Сербиянинг Белград шаҳрида коронавирус туфайли ташқарига чиқа олмай, уйларнинг томида сайр қилиб юрган аёл. Фото: Reuters
Аввалги кунларнинг фотогалереялари:
Изоҳ (0)