ИИВ хабарига кўра, Ўзбекистонда карантин тадбирлари эълон қилинган вақтдан бугунги кунга қадар белгиланган қоидаларга амал қилмаслик билан боғлиқ жами 83 005 та ҳолат аниқланди.
Қайд этилишича, энг кўп — 15 198 та қоидабузарлик Тошкент шаҳрида. Хусусан, 19 апрель куни Тошкент шаҳри, Юнусобод тумани, 2-мавзеда яшовчи 1978 йилда туғилган Э.К. 24-уй олдида карантин қоидаларига зид равишда сомса савдоси билан шуғулланаётганлиги аниқланган.
Шаҳарнинг Мирзо Улуғбек тумани, Тоҳир Малик кўчасида яшовчи 1995 йилда туғилган А.Ю. эса карантин қоидаларини бузиб, Юнусобод туманида жойлашган «Нурика» кафесида фаолият олиб бораётганлиги аниқланган.
Ҳар икки ҳолат юзасидан Маъмурий жавобгарлик тўғрисидаги кодекснинг 54-моддаси (Эпидемияларга қарши кураш қоидаларини бузиш) бўйича ҳужжатлар расмийлаштирилган. Республиканинг бошқа ҳудудларида аниқланган қоидабузарликлар сони эса қуйидагича:
- Фарғона вилоятида – 13 179 та;
- Тошкент вилоятида – 12 261 та;
- Самарқанд вилоятида – 7 251 та;
- Сирдарё вилоятида – 5 635 та;
- Қашқадарё вилоятида – 5 300 та;
- Андижон вилоятида – 4 723 та;
- Наманган вилоятида – 4 598 та;
- Бухоро вилоятида – 3 329 та;
- Қорақалпоғистон Республикасида – 3 023 та;
- Хоразм вилоятида – 2 712 та;
- Сурхондарё вилоятида – 2 524 та;
- Жиззах вилоятида – 2 510 та;
- Навоий вилоятида – 762 та ҳолатни ташкил этмоқда.
Изоҳ (0)