Интернетда италиялик рассом ва кашфиётчи Леонардо да Винчининг ҳаёти ҳақида ҳикоя қилувчи «Леонардо» мини-сериалининг илк кадрлари пайдо бўлди, деб хабар берди Variety.
Кадрларда Леонардо қай тарзда расм чизишни ўргангани ҳамда «Сирли кечада» деб номланган картинасини чизганидан кейин қандай машҳур бўлиб кетгани акс этган. Мини-сериал саккиз қисмдан иборат бўлади, уларнинг ҳар бирида буюк мусаввирнинг битта муваффақияти ҳақида ҳикоя қилинади.
Мини-сериалда италиялик актёр Жанкарло Жаннини (Леонардонинг устози ролини ижро этган), Матильда де Анхелис (рассомнинг илҳом париси), Фредди Хаймор (детектив Стефано Жиральди) ва бошқалар суратга тушган. Лойиҳа режиссёрлари Дэниэл Персиваль ва Алексис Кахилл.
Мини-сериал тақдимоти жорий йилда Леонардо да Винчи таваллудининг 500 йиллигига бағишлаб тақдим этилиши режалаштирилган эди. Бироқ пандемия сабабли премьера кейинги йилга қолдирилди.
Маълумот учун, буюк мусаввир Леонардо да Винчи ҳақида 1971 йилда ҳам мини-сериал ишланган. «Леонардо да Винчи ҳаёти» деб номланган мини-сериалда бош ролни франциялик актёр Филипп Леруа ижро этган. Ушбу фильм бир неча йиллар аввал Ўзбекистон телеканалларида ҳам эфирга узатилган.
Изоҳ (0)