Goal нашри футбол бўйича Хитой Суперлигаси июнь ёки июль ойида бошланиши кутилаётгани ҳақида хабар тарқатди.
Қайд этилишича, бу саналар чемпионат бошланиши учун энг эрта муддат сифатида қаралган. Ундан олдин бошланмаслиги аниқлиги айтилган. Хитой футбол ассоциацияси аллақачон клубларга мавсумни ёзда бошлашнишига тайёргарлик кўришни маслаҳат берган. Маълум қилинишича, мавсум бошланишидан олдин футболчилар коронавирусга икки бор тест топширади. Биринчиси тез кунда, иккинчиси эса мавсум стартидан бир ҳафта олдин.
Ушбу саволларга ойдинлик киритиш мақсадида «Дарё» мухбири Ўзбекистон терма жамоаси сардори, «Шанхай СИПГ» аъзоси, айни дамда Хитойда бўлиб турган Одил Аҳмедов билан боғланди.
«Тўғриси, мавсум қачон бошланишини ҳеч ким билмайди. Катта эҳтимол билан касаллик мамлакатни бутунлай тарк этгандан сўнггина мавсум бошланади. Аммо «Шанхай СИПГ» машғулот олиб бораётгани йўқ. Бу борада ҳеч ким аниғини билмайди. Футболчиларда тест олиниши ҳақида эса умуман эшитганим йўқ», — дея юқоридаги ҳолатга изоҳ берди Одил Аҳмедов.Сўнгги маълумотларга кўра, Хитойдаги тиббиёт муассасаларида 1107 киши даволанмоқда, улардан 95 нафарининг аҳволи оғир дея баҳоланмоқда. Хитойда коронавирус пандемияси бошланганидан буён 82 мингдан ортиқ одамда касаллик аниқланган бўлиб, 3342 нафари вафот этган.
Мавзуга доир:
- Одил Аҳмедов коронавирус, кўршапалак ва Хитой таомлари, Кевин де Брюйне ҳамда Ўзбекистонга қайтиши борасида
- Одил Аҳмедов Хитойдан Ўзбекистонга гуманитар ёрдам жўнатди
- Одил Аҳмедов: Хитой коронавирусни деярли енгиб бўлди
- Ака-ука Аҳмедовлар карантин вақтида Намангандаги муҳтож оилаларга ёрдам кўрсатди (фото)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)