«Пахтакор» спорт директори Жафар Ирисметов айни дамда ижара асосида Беларуснинг «Энергетик-БГУ» жамоасида тўп тепаётган Жасур Яхшибоевга Европа клубларидан таклифлар борлигини айтди. Бу ҳақида Ирисметов «Chempionat.asia»нинг «Тезкор студия» дастури вақтида маълум қилди.
«Жасур Яхшибоев Ўзбекистон чемпионатида негадир очилиб кета олмади. Аммо у мамлакатдаги энг иқтидорли футболчилардан бири. Уни билган ҳолда «Энергетик-БГУ»га берганмиз. У ерда ёш ўйинчилар кўп. Мураббийларни ҳам таниймиз. Уни ижарага беришдан олдин мураббийлар билан ҳам гаплашганмиз. Айни дамда футболчига Венгрия, Польша ҳамда Португалия чемпионатларидан таклифлар бор. Тўғри, таклиф билдираётган клублар топ клублар эмас. Бироқ таклифлар келиб турибди», — дейди «Пахтакор» спорт директори Жафар Ирисметов.Мавзуга доир: «Пахтакор»га қайтишни хоҳламайдиган, Беларусь чемпионатида тўпурар бўлиб турган Жасур Яхшибоев интервьюси
Маълумот учун, трансфер ҳуқуқи «Пахтакор»га тегишли бўлган Жасур Яхшибоев Беларусь чемпионатида 4-турдан сўнг 3 та гол билан энг яхши тўпурар бўлиб турибди. Унинг жамоаси 16 апрель, пайшанба куни, «Городея» клубига қарши 5-тур учрашувида майдонга тушади. Ўйин Тошкент вақти билан 19:30 да бошланади.
Учрашувдаги голларни «Дарё»нинг Telegram’даги расмий саҳифасида томоша қилиш мумкин. Каналга обуна бўлиш: https://t.me/joinchat/AAAAAEN_jPAAf5CHVr-Olg
Изоҳ (0)