Беларусь чемпионатининг 5-турида «Энергетик-БГУ» 16 апрель, пайшанба куни «Городея»ни қабул қилди.
Учрашувда майдон эгалари навбатдаги мағлубиятни қабул қилиб олди. 35-дақиқада Андрей Сорокин меҳмонларнинг қарши ҳужумини гол билан якунлади. Мазкур гол баҳсда ягоналигини сақлаб қолди.
Учрашувда Жасур Яхшибоев асосий таркибда майдонга тушди ва жароҳат олган ҳолда танаффусдан кейин ўз ўрнини яна бир ўзбекистонлик футболчи Шаҳбоз Умаровга бўшатиб берди.
Шу тариқа, «талабалар» кетма-кет иккинчи мағлубиятни тан олган ҳолда 9 очко билан ҳозирча 3-ўринда бормоқда. «Городея» эса очколарини 12 тага етказиб олган ҳолда пешқадамга айланди.
Беларусь Олий Лигаси
5-тур баҳси
16 апрель, пайшанба
«Энергетик-БГУ» — «Городея» 0:1
Гол: 0:1 — 35 Сорокин.«Энергетик-БГУ»: Садовский, Юдчиц, Сокол, Шкурдюк, Мавату, Мирошников, Носко, Яхшибоев (Умаров, 46), Тве, Мусаханян (Совпел, 60), Атеменг (Бакич, 46).
«Городея»: Довгялло, Павлючек, Усеня, Шестиловский, Позняк, Ёксимович, Сазонович, Сорокин (Игнатенко, 87), Яскович, Саичич, Архипов (Байдук, 63; Шибун, 90).
Огоҳлантириш: Яхшибоев (40).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)