Қозоғистоннинг Чимкент шаҳрида 15 апрель, чоршанба куни, коронавирусга чалинган яна бир бемор вафот этди, деб хабар бермоқда «Informburo.kz».
Қайд этилишича, вафот этган шахс 65 ёшли эркак бўлиб, бу шу куни қайд этилган иккинчи ўлим ҳолатидир.
Эслатиб ўтамиз, Қозоғистонда коронавирус билан боғлиқ биринчи ўлим ҳолати 26 март куни қайд этилганди. Шундан буён мамлакатда умумий ҳисобда коронавирусдан 16 киши вафот этди. Айни пайтда касалланганлар сони 1 267 кишини ташкил қилмоқда. Шунингдек, 203 нафар бемор даволанишга муваффақ бўлган.
Аввалроқ Қозоғистон президенти президент Қосим-Жўмарт Тўқаев мамлакатда 16 мартдан жорий этилган фавқулодда ҳолат режимини апрель ойи охиригача узайтиришга қарор қилгани хабар берилган эди.
Изоҳ (0)