14 апрель куни олтиннинг қиймати кейинги етти йил ичида энг юқори нархга кўтарилди. Comex биржасида унинг нархи 0,5 фоизга ўсиб, бир унцияси 1768,9 долларни ташкил этди. Бу ҳақда «РБК» хабар берган.
Савдо сессияси давомида олтиннинг бир унцияси учун максимал қиймат 1785 долларни ташкил этди.
Қимматбаҳо металлнинг котировкалари карантин чоралари сабаб жаҳонда иқтисодий ўсишнинг секинлашгани, фонд индексларининг қулаши ва нефть нархининг пасайиши оқибатида ошди. Инвесторлар молия бозоридаги беқарор вазият пайтида активларини ҳимоялашда айнан олтиндан фойдаланади.
Дунёнинг катта марказий банкларининг катта ҳажмдаги пул дастурларини қабул қилиши оқибатида инфлация хавотири юқори экани туфайли олтинга бўлган талаб юқори бўлиб қолмоқда.
Нью-Йоркдаги Comex биржасида олтинннинг нархи 16 фоизга ошди ва айни вақтда 2011 йил сентябридаги рекорд натижа, яъни унцияси учун 1923,7 АҚШ доллари қийматига яқинлашиши учун яна 10 фоизга кўтарилиши зарур.
«Жаҳон иқтисодиётининг ўсиши эса секинлашиб бормоқда, молия бозорларидаги ноаниқлик юқори даражада қолса, олтиннинг нархи янада ошиши мумкин», – дея таъкидлаган Next Generation Julius Baer истиқболли тадқиқотлар лойиҳаси раҳбари Карстен Менке.
Мавзуга доир: Ўзбекистон икки ойда 1 млрд долларлик олтин сотди
Изоҳ (0)