Ўзбекистон Миллий гвардияси қўмондонига янги ўринбосарлар тайинланди. Бу ҳақда Миллий гвардия томонидан маълум қилинди.
Хабар берилишича, полковник Бекмурод Абдуллаев Миллий гвардия қўмондонининг жамоат хавфсизлигини таъминлаш бўйича биринчи ўринбосари лавозимига тайинланди.
Тайинловга қадар Бекмурод Абдуллаев Ички ишлар вазирлиги Патруль-пост хизмати ва жамоат тартибини сақлаш бош бошқармаси бошлиғи лавозимида хизмат қилган.
Полковник Мамиржон Ғаниев Миллий гвардия қўмондонининг ўринбосари — Қўриқлаш бош бошқармаси бошлиғи лавозимини эгаллади.
Полковник Сарвар Мамаюсупов эса Миллий гвардия қўмондонининг тарбиявий ва мафкуравий ишлар бўйича ўринбосари лавозимига тайинланган.
Аввалроқ генерал-майор Рустам Жўраев Миллий гвардия қўмондони лавозимига тайинланган эди.
Изоҳ (0)