Ахборот ва оммавий коммуникациялар штабида 14 апрель куни Санитария-эпидемиология назорати давлат инспекцияси бошлиғи, Республика бош давлат санитария инспектори Нурмат Отабеков иштирокида ўтказилган брифингда Хоразмдаги ҳарбий қисмда коронавирус тарқалгани тўғрисидаги хабарларга изоҳ берилди.
«22 март куни Москва—Урганч (239 нафар) ва Новосибирск—Урганч (253 нафар) йўналишидаги чартер авиарейсларида жами — 492 нафар фуқаро Шовот туманида жойлашган 49093-сонли ҳарбий қисмдаги карантин госпиталига жойлаштирилди. 23—24 март кунлари ушбу ҳарбий қисмдаги карантин пунктида 492 нафар фуқародан COVID-19 короновирус касаллигини аниқлаш мақсадида текшириш учун намуналар олинди.
25—27 март кунлари вирусологик текширувлар натижасига асосан 7 нафар мусбат натижа қайд қилинди ва у ердагилар ‘Ёшлар’ ва ‘Ҳаёт-NN’ меҳмонхоналари, Хонқа санаторийсига, ТТА Урганч филиали клиникасига, ТАТУ Урганч филиали ётоқхонасига кўчирилди. Ҳозир ҳарбий қисмда фуқаролар қолмаган», — дейди Нурмат Отабеков.
Шунингдек, Нурмат Отабеков Тошкентдаги 17-шаҳар клиник касалхонаси ва Мирзо Улуғбек туманидаги 8-оилавий поликлиника карантинга ёпилганини тасдиқлаган.
Мавзуга доир: Бухорода коронавирусга чалинган тўрт киши соғайди. Ўзбекистон бўйича соғайганлар сони 89 нафарга етди
Изоҳ (0)