АҚШда кетма-кет тўртинчи кун қурбонлар сони камайишда давом этмоқда — ўтган бир сутка ичида коронавирус оқибатида 1509 киши вафот этди. Бу ҳақда Жонс Ҳопкинс университети маълумотларида келтирилган.
10 апрель куни АҚШда COVID-19 қурбонлари сони 2,1 минг кишидан ошиб кетганди, шундан буён пасайиш давом этмоқда. Университет маълумотларига кўра, АҚШда қарийб 582 минг кишида коронавирус аниқланган бўлиб, жами қурбонлар сони 23 621 кишига етган.
Аввалроқ Нью-Йорк мэри Билл де Блазио шаҳарда коронавирус билан касалланганлар ва касалхонага ётқизилганлар сони камайганини маълум қилганди.
Эслатиб ўтамиз, 12 апрель куни АҚШ коронавирус қурбонлари сони бўйича дунёда биринчига айланган, тарихда илк бор барча штатларда йирик ҳалокат режими эълон қилинган.
Изоҳ (0)