Ўзбекистон терма жамоаси собиқ футболчиси, ҳозирда Ўзбекистон U-14 терма жамоаси бош мураббийи Сервер Жепаров 14 кунлик карантиндан сўнг махсус жиҳозланган контейнерлардаги шароит ҳақида фикр билдирди.
«Ўз халқи учун қайғураётган Президентимиз Шавкат Мирзиёевга раҳмат. Шахсий фикримча, контейнерлар карантинда яшаш учун барча керакли ашёлар билан таъминланган.
Тўрт киши яшадик. Тоза матрас ва тўшакка эга икки қаватли каравот. Телевизор, кондиционер, ҳожатхона, ювиниш хонаси, иссиқ-совуқ сув, стационар телефон, сув қайнатиш ва чой дамлаш учун чойнаклар. Барча гигиена ва тозалаш воситалари. Кунига уч маҳал овқат: котлет, товуқ, гуруч, гречка, перловка, макарон, палов, сув, салатлар ва мевалар. Уларнинг барчасини бир марталик идишларда олиб келишди.
Хизмат кўрсатган барча ходимлар, биздан қон таҳлили олган шифокорлар ва 14 кун мобайнида маиший муаммоларни ҳал қилишда ёрдам берган барчага ташаккур, бу ҳақиқатда қаҳрамонлик. Осон бўлмади, бироқ биз буни уддаладик. Яна бир бор Президент ва унинг жамоасига раҳмат айтаман. Энди ўғлим билан бирга уй карантинида бўламиз. Келинг, карантин қоидаларига риоя қилган ҳолда бирдамликда пандемия билан курашамиз, фақат шу тариқа COVID-19 вирусини енга оламиз», — дея ёзади Жепаров Instagram саҳифасида.
Сервер Жепаров ва унинг ўғли Рауль Россиянинг Қозон шаҳридан етиб келгач 14 кунлик карантинга олинганди.
https://www.instagram.com/p/B-3suK0HuG4/
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)