Лондоннинг «Челси» клуби собиқ дарвозабони Питер Бонетти вафот этди. Бу ҳақда клуб расмий сайти маълум қилди.
Бонетти 78 ёшида оламни тарк этди. Ўлимга сабаб қилиб узоқ давом этган касаллик кўрсатилган. «Челси» клуби Питернинг оиласи ва яқинларига ҳамдардлик билбирган.
Бонетти 1960—1979 йиллари «Челси» сафида тўп сурган. У клуб тарихида энг кўп ўйин ўтказган иккинчи футболчи ҳисобланади. Дарвозабон «аристократлар» сафида 729 ўйин ўтказган. Питер бу борада фақат Рон Ҳаррисдан ортда қолади (795).
Бонетти «Челси» билан Англия Лига Кубоги ва Кубок эгалари Кубогида зафар қучган. У шунингдек, АҚШнинг «Сент-Луис Старс», Шотландиянинг «Данди Юнайтед» ва Англиянинг «Уокинг» клубларида ҳаракат қилган. Англия терма жамоаси сафида эса етти ўйин ўтказган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)