«Барселона» президентлигига номзод Виктор Фонт жамоа инқирозга учраш арафасида эканини таъкидлади.
«Узоқ вақтдан буён «Барселона» катта тўфон сари кетаётгани ҳақида огоҳлантириб келяпмиз. Клуб ўз тарихидаги энг яхши футболчилар авлодини янгилаши, янги спорт комплекслари қуриши ва улкан молиявий қудратга эга жамоалар билан рақобат қилиши зарур.
Биз клуб Неймарни қандай қўлдан чиқаргани, футболчилар ва ходимлар ўртасидаги тортишув, ижтимоий тармоқлар борасидаги ишларни бошдан кечирдик. Бунга клубда спорт сиёсатининг беқарорлиги, директорлар ўртасидаги парчаланиш ва коронавирусдан кейин даромадларнинг тушиб кетганини қўшимча қилиш мумкин. Клуб молиявий ва маънавий томондан инқирозга юз тутиш хавфи остида турибди. Ўйин тугади», — дейди Фонт Mundo Deportivo’га берган интервьюсида.
Фонт — технология соҳасида фаолият юритадиган тадбиркор, Delta Partners компанияси асосчиси. Айнан учун 2021 йилни президентлик сайловларида Жозеп Бартомеунинг асосий рақобатчиси ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)