Буюк Британияда Жон Брейшоу исмли фуқаро изоляция вақтида зерикиб, томорқасини қазиётганида камида 50 йил олдин кўмилган Forf Popular 103e автомобилига дуч келди, деб хабар беради Motor.
Автомобилдаги қурилмалар панели ва двигатели орқали унинг маркаси аниқланган — машина 1955—1956 йилларда ишлаб чиқарилган. Popular 103е’да ҳатто автомобиль рақами ҳам сақланиб қолган бўлиб, Брейшоу улардан эски Ford нима сабабдан бу ерга кўмилганини аниқлашда фойдаланган.
Маълум бўлишича, автомобиль ҳақида расмий ҳеч қандай маълумот мавжуд эмас ва у ҳеч қачон рўйхатга олинмаган. Брейшоунинг фикрича, машина бирорта махфий хизмат ходимига тегишли бўлган бўлиши мумкин. Бироқ ушбу фаразни текшириб кўришнинг имкони йўқ.
Британиялик ўз топилмасини нима қилиш борасида ҳали бир қарорга келгани йўқ — уни шундайлигича жойида қолдириш ёки махсус техника ёрдамида чиқариб ташлаш. Нима бўлганда ҳам автомобиль жуда ёмон аҳволда ва уни қайта тиклаш учун жуда кўп маблағ керак бўлади.
Ford Pop номи билан ҳам аталган Ford Popular модели Буюк Британияда 1953—1962 йиллар оралиғида ишлаб чиқарилган. Ўша вақтда ушбу модель бозордаги энг арзон автомобиль бўлган. Popular 103e’дан жами 155 340 нусха ишлаб чиқарилган.
Изоҳ (0)