«Ливерпуль» клубининг собиқ футболчиси ва мураббийи Кенни Далглиш коронавирусга чалинди. Бу ҳақда клуб матбуот хизмати маълум қилди.
69 ёшли шотландиялик 8 апрель куни антибиотиклар қабул қилиш учун шифохонага олиб борилган. Қоидага мувофиқ ундан COVID-19 вирусига қон таҳлили олинган. 10 апрель куни таҳлил қониқарли натижа бергани маълум бўлди.
Таъкидланишича, Далглишда коронавирус аломатлари кузатилмаган. Шифохонага боргунга қадар «Ливерпуль» афсонаси уйида оиласи билан изоляцияда бўлиб турганди. У тавсия қилинган муддатдан кўпроқ изоляцияда бўлган.
Кенни 1977—1990 йиллар мобайнида мерсисайдликлар жамоасида тўп сурган. Бош мураббий сифатида эса 1985—1991 ва 2011—2012 йилларда ишлаган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)