Беларус чемпионати Европада давом этаётган ягона лига бўлиб турибди ва дунёнинг кўплаб мамлакатларида эфирга узатилмоқда.
Брестнинг «Динамо» клуби ушбу машҳурликдан фойдаланишнинг ўзига хос усулини ўйлаб топди. Клуб «Шахтёр»га қарши Кубок баҳси олдидан виртуал чипталар савдосини амалга оширди. Қизиғи улар одатий чипталардан анча қиммат туради: ўйин чиптаси 5 АҚШ доллари атрофида турса, вирутал чипта 25—86 доллар нархда сотилган.
Бунинг эвазига клуб учрашув чиптаси, ўйин олди журнали, клуб атрибуткаларига 10 фоизлик чегирмани почта орқали юборишга ваъда берди.
Ўйин вақтида мухлислар сурати бошсиз манекенларга жойлаштирилган ҳолда трибуналардан жой олди. Бундан ташқари манекенга турли хил клублар футболкалари кийдирилди.
Вирутал чипталарни Россия, Буюк Британия, БАА, Ўзбекистон ва Эрондан 30 нафардан ортиқ киши сотиб олган.
«Динамо» бу билан чекланиб қолмоқчи эмас, клуб чемпионат доирасида кечадиган ўйинларда ҳам шу усулни қўлламоқчи. Сотувдан тушган маблағ Беларусда коронавирусга қарши кураш учун сарфланади.
10 апрель ҳолатига мамлакатда коронавирус юқтириб олган сони икки мингга яқинлашди. 19 киши вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)