Буюк Британияда махсус ҳимоя костюмлари етмагани сабаб чиқинди «пакет»ларини кийишга мажбур бўлган уч нафар ҳамшира коронавирусга чалинди, деб хабар беради The Telegraph.
Нашр Лондон шимоли-ғарбидаги The Northwick Park госпиталининг чиқинди «пакет»ларни боши ва оёқларига кийиб олган тиббиёт персонали вакиллари тасвирланган сурат ҳақида маълумот берган. Ҳамширалар коронавирус юқтириб олгани тўғрисидаги хабарни тиббиёт муассасасининг вакили тасдиқлаган.
Ҳамширалар ишлайдиган ушбу госпитал март ойида — янги вирус билан касалланганлар сони кескин ўсиши кузатилган вақтида Буюк Британияда биринчи бўлиб тиббиёт жиҳозлари етишмовчилиги ҳақида маълум қилган эди. Шунингдек, таъкидланишича, шифохона раҳбарияти ўз ходимларига тиббий ниқоблар, бош кийим ва фартукларни етказиб бера олмаган.
Аввалроқ Нью-Йоркда халатлар етмаган шифокорлар чиқинди «пакет»ларини кийишга тўғри келиши мумкинлиги ҳақида хабар берилганди.
Изоҳ (0)