Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов бугун солиқ мавзуси муҳокама марказига чиққанидан фойдаланиб, масс-медиа соҳасига оид бошқа бир таклифни илгари сурди. Бу ҳақда у ўзининг Telegram каналида ёзиб қолдирди.
COVID-19 пандемияси натижасида кўплаб соҳалар каби оммавий ахборот воситалари ҳам молиявий муаммоларга дуч келмоқда. Вақт ўтиши билан бу муаммолар катталашса катталашадики, лекин ижобий томонга ўзгариши даргумон. Мана шундай шароитда уларни қўллаб-қувватламасак, сўз эркинлигининг таянчи бўлган кўплаб ОАВлар ёпилиб кетиши мумкин. Шунга кўра, оммавий ахборот воситалари ҳамда блогерлар (бевосита блогерлик фаолиятида олган даромадига нисбатан)га солиқ имтиёзлари беришни таклиф қиламан.Эслатиб ўтамиз, Ўзбекистонда жисмоний шахсларнинг пластик карталаридаги маблағлар ҳақида солиқ идораларига хабар бериш тизимини жорий этиш таклиф қилинмоқда. Бу ҳақда Давлат солиқ қўмитаси ва Марказий банк бошқарувининг қўшма қарори лойиҳаси Норматив-ҳуқуқий ҳужжатлар лойиҳалари муҳокамаси порталига жойлаштирилди ва кенг жамоатчилик эътиборини тортди. Давлат солиқ қўмитаси ушбу масала юзасидан ўз муносабатини билдирди.Ҳа, тўғри, оддий кунларда ҳар қандай солиқ имтиёзини аксарият экспертлар иқтисодий нуқтаи назардан маъқуллашмайди, бунга қарши чиқишади. Лекин бутун дунёда катта иқтисодий инқироз кутилаётган бир даврда деярли барча давлатлар иқтисодий тангликка учраган турли соҳаларни қўллаб-қувватлаётганини ҳам унутмаслигимиз керак. Ва мен бугун алоҳида хавотир билан таъкидламоқчиманки, масс-медиа соҳаси ҳам ана шундай инқирозга учрамоқда.
Янги Ўзбекистоннинг муҳим ва ажралмас қисми бўлган оммавий ахборот воситаларини сақлаб қолиш учун биргаликда ҳаракат қилишга барчани чорлаб қоламан.
Комил Алламжонов, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси
Савдо-саноат палатаси Солиқ қўмитасининг қарори лойиҳасида тадбиркорлик фаолиятига салбий таъсир кўрсатиши мумкин бўлган ҳолатларни аниқлади. Ўзбекистон Сенати картадаги пул айланмаси ҳақидаги ахборот олиш тўғрисидаги қарор лойиҳасини қайта ишлаб чиқишга чақирди.
Изоҳ (0)