АҚШлик 100 ёшни қаршилаган онахон узоқ умр кўриш сири нимада эканлигини айтди

АҚШнинг Нью-Йорк штати Норт-Тонаванда шаҳрида яшовчи аёл 100 ёшга тўлди. У узоқ умр кўриш сирини ошкор қилди, деб ёзади Ken-Ton Bee маҳаллий нашри.

100 ёшли Ленор Керролнинг сўзларига кўра, қандай қилиб бу ёшга кириб қолганидан унинг ўзи ҳам ҳайратда.

Аёл саратонни бошдан кечирган ҳамда сўнгги пайтларда қариялар уйида яшаб келаётган эди. У турли ўйинлар ўйнашни ҳамда янгиликларни кузатишни яхши кўради.

Керролнинг айтишича, унинг узоқ умр кўришига яқинларига бўлган меҳр-муҳаббати сабаб бўлган.

У ўз вақтида шаҳардаги биринчи қон таҳлил марказига асос солган, гриппга қарши эмлаш жараёнларига кўмак берган, эри билан турли парадларга фигуралар ясаган, кам таъминланганларга бепул овқатлар етказиб берган ҳамда турли хайрия тадбирларини ташкиллаштирган эди.

Аввалроқ британиялик 105 ёшли аёл ўзининг туғилган кунида узоқ умр кўриш сири билан бўлишган эди.