Тонгда қаҳвасиз тетиклашишнинг 7 усули

Эрта тонг юмшоқ ўриндан туришнинг ўзи эмас, айниқса бир кун аввал кеч ва чарчаб ётган бўлсангиз. Бундай вақтда бир финжон иссиқ қаҳвадан бошқа ҳеч нарса сизга ёрдам бера олмайдигандек туюлади, тўғрими? Нотўғри, негаки кофенинг тетиклаштириш хусусиятининг ўрнини босувчи бошқа фойдали вариантлар ҳам йўқ эмас. Harper’s Bazaar нашри шундай 7 альтернатив билан бўлишади.

Сикорий

Тетиклашишни истаган, лекин кофега боғланиб қолишни хоҳламайдиганлар учун сикорий дамламаси энг мақбул ечим. Таъми кофега ўхшаш ушбу ичимлик унган қараганда фойдалироқ ҳисобланади. У тинчлантириш хусусиятига эга бўлиб, қондаги қанд миқдорини камайтиради. Уни сут билан қўшиб ичиш мумкин.

Какао

Какао таркибида калций, магний, темир моддаси бор бўлиб, уни тетиклаштирувчи сифатида ичиш тавсия қилинади. Эрта тонгдан зарур иш ёки дарсларингиз бўлса диққатни жамлаш учун бир финжон какао истеъмол қилинг.

Лимонли сув

Илиқ сувга аралаштирилган лимон сувини тонгда оч қоринга истеъмол қилиш, нафақат кишини тетиклаштиради, балки организмни хусусан ичакларни тозалайди.

Нонушта қилишга вақти йўқ, эрталабдан иш ёки ўқишга шошадиганларга йўл-йўлакай бўлса ҳам аччиқ шоколад ейиш тавсия қилинади. Унинг таркибида кофедан кам бўлмаган кофеин ва эндорфин бор бўлиб, кун бўйи кўтаринки кайфиятда бўлишингизни таъминлайди.

Масала

Агарда оддий чой сизни тетиклаштирмаса, масала дамлаб ичинг. Уни тайёрлаш учун сут, чой ва корица, кардамон ёки имбир, таъбга қараб бадян ёки қора мурч қўшинг. Ушбу ичимлик кўриниши ва хушбўй ҳиди иштаҳангизни очиши аниқ.

Тетиклаштириш деганда фақат ейиш ва ичишни тушунадиганлар диққатига: аслида контраст душ қабул қилишдан-да одамни тетик ҳис қилдирадиган табиий жараён йўқ. 30 сония совуқ сув ундан кейин 30 сония иссиқ ва яна 30 сония совуқ душни ёқинг. Ўзингиз ҳам билмай қоласиз қандай қилиб бунча тез тетиклашганингизни. Бундай усул қон айланиши, тери тонусининг яхшиланиши, моддалар алмашинуви, уйқунинг яхшиланиши ва асабийлашишда самарали восита ҳисобланади.

Ёруғлик