Исталган парҳез самарадорлигини оширадиган 3 қоида

Парҳез тутиш учун хоҳиш ва мотивация бўлиши керак деган тушунча бор, аслида эса парҳезнинг қанчалик та’​сир қилишида ёш, организмда метаболизм қандайлиги, генетика каби бошқа омиллар ҳам рол ўрнайди. Ҳар кимнинг организми, ёши ва гени турли экани нуқтаи назаридан парҳез ҳам ҳаммага ҳар хил таъсир ўтказади. Кимгадир шунчаки ширинликдан воз кечиш, бошқа бир одамга бўлса 16 соат оч юриш ёки рационига оқсил қўшиш керак бўлади. Elle нашрининг ёзишича, Стенфорд тиббиёт мактаби олимлари тадқиқот ўтказиб, парҳез самарадорлигини ошириш учун 3 универсал қоида ишлаб чиққан.

Тадқиқотда, 18 ёшдан 50 ёшгача бўлган 609 киши иштирок этган, иштирокчи аёл ва эркаклар сони бир-бирига тенг бўлган. Тадқиқотчилар биологик омиллар ва турли парҳезлар ўртасидаги муносабатни кузатган. Иштирокчиларнинг ярми, 1 йилдан кўп вақт мобайнида кетоген парҳез тутган, яъни кам углевод, кўп миқдорда ёғ ва оқсил истеъмол қилган. Қолган ярми бўлса, таркибида ёғ ва углевод кам, оқсил кўп бўлган маҳсулотларни истеъмол қилган. Тажриба динамикасини кузатган тадқиқотчилар қуйидаги хулосаларга келган.

 Тўйимли маҳсулотларни танлаш керак

Таомномага балансловчи маҳсулот қўшиб парҳезни «алдаш» мумкин. Табиий ва сифатли маҳсулотлар хусусан балиқ, сабзавотлар, ширин бўлмаган мевалар, ўсимлик ёғи кабиларни истеъмол қилиш керак. Масалан, пишлоқ ўрнига авакадо ейиш керак чунки ушбу мева витаминларга бой ҳисобланади.

Оқ ундан тайёрланган таомлардан воз кечинг

Чунки бундай таомлар сиз интилаётган вазн рақамидан фақат ва фақат узоқлаштиради. Яхшиси, дон маҳсулотларидан тайёрланган нонни, қуймоқ ва панкейк тайёрлаш учун бодом унини танланг.

Парҳез асосини сабзавотлар ташкил қилсин

Сабзавотлар таркибида калория кам ва витаминлар кўплиги билан аҳамиятли. Сабзавотга бой таомни истеъмол қилар экансиз, ўзингизни узоқ вақт тўқ ҳис қиласиз ва организмингиз зарарли маҳсулотлардан узоқ бўлади.