7 апрель куни Хитой ҳукумати икки ойлик изоляциядан сўнг Ухань шаҳридан чиқишни тақиқловчи чеклов чораларини бекор қилди. Бу ҳақда Хитой марказий телевидениеси хабар берди.
Коронавирус пандемияси бошланган шаҳарга кириш ва чиқиш 23 январь куни ёпилган эди. Ярим тунда ҳукумат Ухандан бошқа шаҳарларга қатновчи йўлларни очган, 8 апрель тонгидан эса темир йўл ва автобус қатновлари йўлга қўйилади.
8 апрель куни Ухандан 276 та йўловчи поездлари жўнаши режалаштирилган. Чипталар савдосига кўра, шаҳарни 55 минг одам тарк этишга тайёрланмоқда. Уларнинг қарийб 40 фоизи Гуанчжоу жанубидаги Чжусзян дарёси ҳудудига йўл олмоқчи.
Таъкидланишича, Уханни тарк этишга фақатгина коронавирусга топширган тест натижалари қониқарсиз чиққан фуқароларга рухсат этилади. Ҳукумат эҳтиёт чораларини кўриб қўйган ва барча транспорт инфратузилмаларини — вокзаллар, поезд ва кассаларни дезинфекция қилган.
Маълумотларга кўра, Уханда 50 мингдан ортиқ одам коронавирус билан касалланган бўлиб, 46,9 минг киши даволанишга муваффақ бўлган, 2571 киши вафот этган.
Мавзуга доир:
Изоҳ (0)