Паоло Мальдини ва унинг ўғли коронавирусдан халос бўлди

Италия терма жамоаси ва «Милан» клуби собиқ ҳимоячиси, ҳозирда клуб раҳбариятида фаолият юритаётган Паоло Мальдини коронавирусдан халос бўлди, дея хабар қилмоқда La Gazzetta dello Sport.

Шунингдек, Паолонинг ўғли, март ойида «Милан» асосий таркибида дебют қилган Даниэль Мальдини ҳам инфекцияни енгиб ўтган.

21 март куни миланликлар техник директори ва унинг 18 ёшли ўғлида коронавирус борлиги маълум қилинганди. Айни дамда Мальдини клуб бошқарувига қайтган.