Ҳашаротлар COVID-19 коронавирус инфекциясини таший олмайди, шу сабаб кунлар исиши билан вазият ёмонлашади, деган хавотирлар асоссиз. Бу ҳақда ДНК бўйича мутахассис ва энтомолог Константин Китаевга таяниб, «РБК» хабар берди.
Унинг сўзларига кўра, хитойлик олимлар тадқиқот ўтказиб, чивин ва қон сўрувчи ҳашаротлар коронавирусни таший олмаслигини аниқлаган.
«Ҳашаротлар COVID-19’ни таший олмайди. Шу сабабли хавотирланишга ўрин йўқ», — дейди Китаев.
Ушбу фикрга ҳашаротлар табиати бўйича мутахассис, энтомолог Юлия Ловсова ҳам қўшилган. Унинг сўзларига кўра, илмий ҳамжамиятда ҳашаротлар коронавирусни ташиши мумкинлиги ҳақида аниқ исбот йўқ.
«Улар турли касалликларни ташийди: безгак, сариқ безгак, денге безгаги. Аммо коронавирус чивинлар ёрдамида ташилиши ҳақида маълумот йўқ», — дейди Ловсова.
Мавзуга доир:
Изоҳ (0)