Нью-Йорк фанлар академияси аъзоси, вирусолог Анатолий Альтштейн иссиқ ҳавонинг коронавирусга таъсири ҳақида ўз мулоҳазаларини билдирди, деб хабар беради «Ura.ru».
Мутахассиснинг фикрича, баҳорги илиқ ҳаво вируснинг тарқалишига сезиларли таъсир кўрсатмайди. Бироқ ёзга бориб, касаллик тарқалиши секинлашиши мумкин. Альтштейннинг сўзларига кўра, респиратор касалликлар эпидемияси одатда йилнинг салқин мавсумида тарқалади, чунки ёзда одамлар касалликка камроқ мойил бўлади.
Бундан ташқари, инфекциянинг тарқалишига фуқароларнинг ўзини ўзи изоляциялаши ва бошқа қабул қилинган чеклов чоралари таъсир кўрсатади. Уларнинг илк натижаларини бир ҳафталардан кейин кўриш мумкин. «Кейинги ҳафта биз ўзимизни изоляция қилган вақтимизда касалликни юқтирган одамлар пайдо бўлади», — дейди вирусолог.
Аввалроқ АҚШдаги Стенфорд университетининг тиббиёт маркази мутахассислари коронавирус ҳақидаги афсоналардан бирини йўққа чиқаргани ҳақида хабар берилганди.
Мавзуга доир:
Изоҳ (0)