Қирғизистонда коронавирус оқибатида вафот этиш бўйича биринчи ҳолат қайд этилди. Бу ҳақда республика COVID-19’га қарши курашиш штабига таяниб, «РИА Новости» хабар берди.
«Ўш вилоятида 61 ёшли беморнинг биологик ўлими юз берди», — дейди штаб вакили. Унинг сўзларига кўра, марҳум яқинда хориждан келган ва у жиддий касалликлардан азият чеккан.
Қирғизистон ҳудудида коронавирус билан касалланганлар сони 100 дан ошган. Қирғизистон президенти Сўронбой Жээнбеков COVID-19 коронавирус инфекцияси тарқалгани туфайли 25 мартдан бошлаб мамлакат пойтахти Бишкек ва йирик шаҳарлар бўлмиш Ўш ва Жалолободда, шунингдек, унинг атрофидаги туманларда фавқулодда ҳолат жорий этиш тўғрисидаги фармонни имзолаган эди.
Мавзуга доир:
Эслатиб ўтамиз, Ўзбекистонда коронавирусга чалинганлар сони 221 кишига етди. 2 апрель ҳолатига кўра 25 нафар бемор соғайиб, реабилитацияга ўтказилган.
Изоҳ (0)