Qirg‘izistonda koronavirus oqibatida vafot etish bo‘yicha birinchi holat qayd etildi. Bu haqda respublika COVID-19’ga qarshi kurashish shtabiga tayanib, “RIA Novosti” xabar berdi.
“O‘sh viloyatida 61 yoshli bemorning biologik o‘limi yuz berdi”, — deydi shtab vakili. Uning so‘zlariga ko‘ra, marhum yaqinda xorijdan kelgan va u jiddiy kasalliklardan aziyat chekkan.
Qirg‘iziston hududida koronavirus bilan kasallanganlar soni 100 dan oshgan. Qirg‘iziston prezidenti So‘ronboy Jeenbekov COVID-19 koronavirus infeksiyasi tarqalgani tufayli 25-martdan boshlab mamlakat poytaxti Bishkek va yirik shaharlar bo‘lmish O‘sh va Jalolobodda, shuningdek, uning atrofidagi tumanlarda favqulodda holat joriy etish to‘g‘risidagi farmonni imzolagan edi.
Mavzuga doir:
Eslatib o‘tamiz, O‘zbekistonda koronavirusga chalinganlar soni 221 kishiga yetdi. 2-aprel holatiga ko‘ra 25 nafar bemor sog‘ayib, reabilitatsiyaga o‘tkazilgan.
Izoh (0)