АҚШ президенти Дональд Трамп коронавирусга қайта тест топширди. Натижалар қониқарсиз чиққан, деб хабар беради «РБК».
Мамлакат раҳбарининг шифокори Шон Конлининг таъкидлашича, Трамп натижаси 15 дақиқада чиқадиган тезкор тестдан фойдаланган. «У соғлом ва касалликнинг ҳеч қандай белгилари аниқлангани йўқ», — дейди президент шифокори.
Америка етакчиси биринчи бор 14 март куни коронавирусга тест топширган. Ўшанда ҳам жавоб қониқарсиз чиққан. Трампнинг саломатлиги борасидаги хавотирлар у консерваторлар анжуманида касалланганлар билан кўришган конгрессменларни қабул қилганидан сўнг, шунингдек, Бразилия делегацияси билан учрашувларидан кейин пайдо бўлган эди.
Эслатиб ўтамиз, АҚШда коронавирус билан касалланганлар сони 245 мингдан ошиб кетди, вирус оқибатида вафот этганлар сони 5926 кишига етди. Оқ уй экспертлари коронавирус оқибатида 2,2 миллион америкалик вафот этиши мумкинлигини тахмин қилди.
Изоҳ (0)