Ўзбекистонда хизмат кўрсатган артист Райҳон Ғаниева Шаҳзода агар дуэт айтишни таклиф қилса, бажонидил рози бўлишини билдирди. Бу ҳақда у «Shok.uz» сайтига берган интервьюсида айтиб ўтди.
«Шаҳзода билан кўпи билан уч йил дўст бўлганмиз. У билан тахминан 15 йилдан бери умуман гаплашмаймиз. Лекин одамлар ҳалигача бизни солиштиради. Менда эски Шаҳзода ҳақида жуда яхши хотиралар қолган, у ҳозир қанақа инсон эканлигини билмайман.
‘Миллий ТВ’ телеканали бир лойиҳа доирасида Шаҳзода иккаламизга дуэт ижро этишни таклиф қилганди. Мен рози бўлдим, Шаҳзода эса бу таклифни рад этди.
У билан уришиб қолганимиздан кейин ўртамизда кўп гаплар ўтди. Ҳозирги кунга келиб мен буларнинг барчасини эсдан чиқардим, кечирдим. Мен ҳеч қачон Шаҳзодага ёмонлик қилмаганман, ёмонлик тиламаганман. Унга ўзимга нимайики эзгу тилакларни тиласам, унга ҳам шуларни тилайман. Шаҳзода агар дуэт айтишни таклиф қилса, албатта, рози бўламан, таклиф қилмаса ҳам тўғри тушунаман», — дейди Райҳон.
Изоҳ (0)