Ўзбекистонда коронавирус инфекциясига чалинган беморларнинг яна 13 нафари 2 апрель, пайшанба куни, бутунлай тузалди. Бу ҳақда Соғлиқни сақлаш вазирлигининг жамоатчилик билан алоқалар бўлими хабар берди.
Қайд этилишича, уларнинг 12 нафари Вирусология илмий-текшириш институти клиникасидан, 1 нафари эса Хоразм вилоятидаги юқумли касалликларга ихтисослашган шифохонадан соғайиб чиқди.
Вирусология илмий-текшириш институти клиникасида соғайганларни соғлиқни сақлаш вазири Алишер Шодмонов ва бошқа масъуллар Республика ихтисослаштирилган терапия ва тиббий реабилитация илмий-амалий тиббиёт марказига кузатди.
Коронавирус инфекциясидан тузалган фуқароларнинг 1 нафари 13 март куни Истанбул—Тошкент йўналишидаги рейсда, яна 1 нафари эса 18 март куни Москва—Тошкент йўналишидаги рейс билан Ўзбекистонга келган. Қолган 11 нафар киши эса коронивирус инфекциясига чалинган фуқаролар билан мулоқотда бўлган.
Мавзуга доир: Оксфорд университети тадқиқотчилари Ўзбекистонда коронавирус тарқалишининг кейинги тақдирини прогноз қилди
1 апрель, чоршанба куни, коронавирусга чалинган беморларнинг тўрт нафари соғайиб, реабилитацияга чиқарилганди. Айни пайтда Ўзбекистонда коронавирус инфекциясидан жами соғайганлар 25 нафарга етди.
Мавзуга доир:
- Бухорода карантинда сақланаётган фуқароларнинг 836 нафари карантин даврини ўтаб, уйига қайтди
- Самарқандда 35 фуқаро икки ҳафталик карантиндан чиқди. Улар энди уй шароитида назорат қилинади
- Мисрдан Навоийга олиб келинган 181 нафар фуқаронинг карантин муддати тугади. Уларда коронавирус аниқланмади (фото ва видео)
Изоҳ (0)