Футбол бўйича АҚШ олий дивизионида илк бор коронавирус юқтириб олиш ҳолати кузатилди.
«Филаделфия Юнион» футболчисининг таҳлили COVID-19 вирусига ижобий натижа берган. Таъкидланишича, ўйинчида енгил аломатлар сезилган.
«Шуни маълум қилмоқчимизки, «Филаделфия» ўйинчисида коронавирус саниқланди. Клуб шифокорлари соғлиқни сақлаш тиббиёт вакиллари билан тўғридан-тўғри ҳамкорликда ишламоқда. Ҳозирда у ўзини яхши ҳис қилмоқда ва яхши кайфиятда бўлиб турибди. Ўйинчи муҳим бўлган изоляция қоидаларини бажармоқда. Клубдаги бошқа ҳеч кимда вирус аниқланмаган", — дейилади клуб баёнотида.
2 апрель ҳолатига кўра АҚШда коронавирус юқтириб олганлар сони 215 мингдан ошиб кетди (дунёда 1-ўрин). 5100 дан ортиқ киши вафот этган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)