Дортмунднинг «Боруссия» клуби ҳужумчиси Эрлинг Ҳоланд яна «Манчестер Юнайтед» қизиқишига сабаб бўлмоқда.
Манчестер шаҳри клуби норвегиялик футболчи учун «Реал» билан курашишга тайёр, дея хабар қилмоқда ESPN. Январь ойида «Манчестер Юнайтед» 19 ёшли ҳужумчини қўлга кирита олмаганди.
Аввалроқ Ҳоланд «Реал»нинг ёзги трансфер ойнасидаги асосий мақсадига айлангани хабар қилинганди. «Қаймоқранглилар» мунтазам гол урадиган футболчига муҳтож ва бу ролда Эрлингни кўрмоқда.
Таъкидланишича, айни дамда 75 миллион еврога баҳоланаётган трансфер нархи коронавирус сабаб юзага келган танаффусдан сўнг камаяди.Ҳоланд «Боруссия»га 2020 йилнинг январида 20 миллион евро эвазига «Зальцбург»дан ўтди. Бундеслигада Эрлинг 8 ўйин ўтказиб, 9 гол ва битта самарали узатмага муаллиф бўлди.
«Манчестер Юнайтед» шунингдек, дортмундликларнинг яна бир ҳужумчиси Жейдон Санчога ҳам жиддий қизиқиш билдирмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)