Испаниянинг Marca нашри футбол тарихидаги энг яхши ўйинчини аниқлаш мақсадида ўз муштарийлари ўртасида сўровнома ўтказди.
Финалда «Ювентус» ҳужумчиси Криштиану Роналду «Барселона» форварди Лионель Мессини ортда қолдирди. Португалиялик футболчи 246 минг мухлис (54%) овозига эга бўлган, аргентиналик ҳужумчи эса 209 минг (46%) овоз тўплаган.
Роналду финалга қадар Паоло Мальдини, Зинедин Зидан ва Диего Марадонани ортда қолдирган. Месси эса Ференс Пушкаш, Альфредо ди Стефано ва Роналдодан устун келган.
Учинчи ўрин учун баҳсда «Реал» собиқ ҳужумчиси Роналдо аргентиналик футбол афсонаси Диего Марадонани ортда қолдирган. Ўз навбатида Роналдо чорак финалда яна бир афсона Пеледан кўпроқ овоз тўплаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)