УЕФА 2019/20 йилги Еврокубокларнинг қолган баҳсларини томошабинларсиз ўтказиш вариантини кўриб чиқмоқда.
The Independent нашрининг хабар қилишича, мазкур қарор Чемпионлар Лигаси ва Европа Лигаси финалига ҳам таалуқли бўлади. Қайд этилишича, ташкилот мазкур мусобақаларни бекор қилиш ниятида эмас ва охиригача ўтказиб қўймоқчи.
1 апрель куни УЕФА видеоконференция ўтказади. Унда футболчиларнинг шартномалари ва трансфер ойнасининг муддати, шунингдек, 2019/20 йилги мавсумнинг қолган ўйинлари тақвими муҳокама қилинади.
Айни дамда Беларусь чемпионатидан бошқа Европанинг барча лигалари коронавирус туфайли тўхтаб қолган.
1 апрель ҳолатига дунё бўйича коронавирус юқтириб олганлар сони 874 минг нафардан ошди. 185 мингга яқин киши вирусни енгиб ўтган бўлса, 43 мингдан зиёд одам вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)