УЕФА ташкилоти 1 апрель, чоршанба куни видеоконференция ўтказди. Унда бир қатор қарорлар эълон қилинди.
Коронавирус сабаб 2020 йилнинг июнига қадар мўлжалланган барча ўйин ва мусобақалар номаълум муддатга қолдирилди. Улар қаторига Евро—2020 ва аёллар ўртасидаги Евро—2021 саралаш босқичи мусобақалари ҳам киради. Шунингдек, терма жамоаларнинг ўртоқлик ўйинлари ҳам қолдирилган.
Май ойида бўлиб ўтиши режалаштирилган 17 ёшгача бўлган футболчилар ўртасидаги Европа чемпионати бекор қилинди. Июль ойида бўлиб ўтиши керак бўлган U-19 Европа чемпионати эса номаълум муддатга қолдирилди.
УЕФА видеоконференцияда минтақанинг 55 мамлакати федерацияларига ички чемпионатлар охирига қадар етказиб қўйилишини маълум қилди. Ташкилот келаси мавсумни қисқариши эвазига бўлса ҳам жорий мавсумни якунлаб қўймоқчи. Яна бир вариантлардан бири: қолган ойинларни мухлисларсиз ўтказиш.Шу билан бирга мавсумнинг давоми қандай бўлишини миллий федерациялар мустақил ўзи белгилайди. Ягона шарти ҳар бир лига Еврокубокларда иштирок этадиган клуб номларини кўрсатиши ва белгиланган вақтда ўз қарори ҳақида маълум қилиши керак.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)