АҚШда коронавирус оқибатида вафот этганлар сони 5116 кишига етди. Бу ҳақда вирус тарқалишини реал вақтда кузатиб бораётган Жон Ҳопкинс университети маълумотларида келтирилган.
Бутун мамлакат бўйлаб коронавирус билан касалланганлар сони 215 417 кишига етган.
Айни вақтда АҚШ COVID-19 билан касалланганлар сони бўйича дунёда етакчилик қилмоқда. Иккинчи ўринда Италия, ундан кейин — Испания. Вирус ўчоғи бўлган Хитой эса касаллар сони бўйича тўртинчи ўринга тушиб кетди.
Аввалроқ Жаҳон соғлиқни сақлаш ташкилоти бутун дунёда коронавирусдан тузалган кишилар сонини эълон қилишни тўхтатгани ҳақида хабар берилганди. Бунга кўп давлатлар касалликдан тузалганлар ҳақидаги маълумотларни узатишда тизимлиликка риоя қилмаётгани сабаб бўлган.
Эслатиб ўтамиз, АҚШ президенти Дональд Трамп америкаликларни олдинда кутилаётган жуда оғир икки ҳафта ҳақида огоҳлантирган, коронавирус оқибатида 200 минг америкаликнинг ўлишини «яхши» сценарий деб атаган эди.
Изоҳ (0)