Россияда COVID-19 коронавирус инфекциясининг тарқалиши билан боғлиқ вазият мураккаблашиб бормоқда, дея таъкидлаган Владимир Путин. Бу ҳақда «РБК» хабар берди.
«Мамлакатдаги вазият мураккаблашмоқда, бутун дунёда коронавирус билан боғлиқ оғир вазият ҳукмронлик қилмоқда», — дея қайд этган Путин ҳукумат вакиллари билан видеоконференсалоқа тарзида ўтказилган мажлисда.
Владимир Путин дунёда COVID-19 юқтириб олганларнинг умумий сони 850 минг нафардан ошгани (Жонс Хопкинс университети маълумотига кўра, 885 минг нафар), Россияда 2777 нафар одам коронавирус билан касалланганини эслатиб ўтган.
Мавзуга доир:
«Янги коронавирус инфекцияси борлиги ҳақида ташхис қўйилган фуқаролар сони охирги бир сутка давомида 18,8 фоизга ўсган», — дея ҳисобот берган Голикова.
1 апрель ҳолатига кўра, Россияда COVID-19 юқтириб олиш билан боғлиқ 440 та янги ҳолат кузатилган, энг кўп касалланган кишилар Москвада (1880), шунингдек, Коми (54) , Бурятия (25), Санкт-Петербург (125) ва Москва вилоятида (134) ҳам кўрсаткич юқори. Голикованинг айтишича, касалланиш сонининг ўсиши инфекцияни тест қилиш такомиллашгани билан ҳам боғлиқ.
Голиковага кўра, касалланганлар орасида «инфекция ташувчилари, яъни инфекцияни одамлар билан мулоқот қилиб юқтирган шахслар» ҳам учраб турибди.
«Менга тақдим қилинган ҳисоботлардан келиб чиқиб, доимий равишда хорижда яшайдиган ва тарихий ватанига қайтган фуқароларнинг кўплигини англадим. Уларга ўзлари яшаб турган давлатда тиббиёт хизматларидан фойдаланиш қийинчилик туғдирган», — дея вазиятга баҳо берган Путин.
Голикова COVID-19 вакцинасининг прототиплари ишлаб чиқилганини билдирди ва вакцина серияларининг 10 майда дори шаклида синовдан ўтказилиши ҳақида ҳисобот берди. Мажлисда Россияда коронавирусга қарши вакцинанинг клиник текширувгача бўлган тести 22 июнгача ўтказилиши, клиник тадқиқотларнинг биринчи босқичи эса 29 июнда бошланиши ҳам маълум қилинди.
Изоҳ (0)