Қишлоқ хўжалиги ва озиқ-овқат маҳсулотларини ташувчи барча турдаги транспорт воситаларига махсус рухсатномасиз ҳаракатланиши мумкин. Бу ҳақда «Дарё»га Ички ишлар вазирлиги ҳузуридаги Йўл ҳаракати хавфсизлиги бош бошқармаси маълум қилди.
ЙҲХББ ахборот хизматининг хабар беришича, Ўзбекистон Республикаси Вазирлар Маҳкамасининг 2020 йил 23 мартдаги 176-сонли қарорида Тошкент шаҳрига кириш ва чиқишда юк транспорт воситаларига чекловлар йўқлиги белгиланган. Шунингдек, республика махсус комиссиясининг қарорига кўра, 2020 йил 30 март куни соат 06:00 дан 20 апрель куни соат 00:01 га қадар вилоятлараро, Тошкент ва Нукус шаҳарлари ҳамда вилоятлар марказларида давлат хизматлари марказлари томонидан бериладиган махсус рухсатнома (стикер)лар асосида автотранспорт воситалари ҳаракатланишига рухсат берилган. Ушбу қарорга кўра, 22 та ҳолатда транспорт воситаларига махсус рухсатнома (стикер)ларсиз ҳаракатланишга рухсат этилган. Яъни мавсумий қишлоқ хўжалиги маҳсулотларини етказиб берувчи М1 (бир нафар йўловчи билан) тоифадаги жисмоний шахсларга тегишли шахсий автотранспорт воситалари республика ҳудудида махсус рухсатнома (стикер)ларсиз ҳаракатланиши мумкин.
ИИВ ЙҲХББ қишлоқ хўжалиги ва озиқ-овқат маҳсулотларини ташувчи барча турдаги транспорт воситалари ҳайдовчиларига мурожаат қилиб, республика ҳудудида ҳаракатланиш давомида карантин постларида муаммо ёки чекловлар бўлган тақдирда қуйидаги телефон рақамларига мурожаат қилишни сўраган:
Ўзбекистон Республикаси ИИВ ЙҲХББ:(71) 267-63-15Тошкент шаҳар ИИББ ЙҲХБ: (71) 255-10-47Тошкент вилояти ИИББ ЙҲХБ: (71) 265-08-51Андижон вилояти ИИБ ЙҲХБ: (74) 226-99-33Фарғона вилояти ИИБ ЙҲХБ: (73) 241-57-29Наманган вилояти ИИБ ЙҲХБ: (69) 234-06-06Сирдарё вилояти ИИБ ЙҲХБ: (67) 227-32-93Жиззах вилояти ИИБ ЙҲХБ: (72) 223-95-52Самарқанд вилояти ИИБ ЙҲХБ: (66) 221-81-81Қашқадарё вилояти ИИБ ЙҲХБ: (75) 225-02-05Сурхондарё вилояти ИИБ ЙҲХБ: (76) 221-27-51Навоий вилояти ИИБ ЙҲХБ: (78) 770-28-08Бухоро вилояти ИИБ ЙҲХБ: (65) 221-86-05Хоразм вилояти ИИБ ЙҲХБ: (62) 225-60-05Қорақалпоғистон Республикаси ИИВ ЙҲХБ:(61) 225-14-37
Изоҳ (0)