Ўзбекистонда 31 мартга қадар коронавирусни аниқлаш бўйича жами 22 156 та вирусологик текшириш ўтказилган. Бу ҳақда Санитария-эпидемиология назорати давлат инспекцияси бошлиғи Нурмат Отабеков маълум қилди.
Нурмат Отабековнинг сўзларига кўра, бугунги кунга қадар коронавирус бор ёки йўқлигини аниқлаш бўйича жами 22 156 та вирусологик текширув ўтказилган. Бир куннинг ўзида 3173 та тест ўтказилган ва олтита тест натижаси ижобий чиққан ҳолатлар кузатилган.
Унинг қайд этишича, Ўзбекистонда қайд этилган беморлардан 17 нафарининг касаллиги бир кишига бориб тақалади.
Таъкидланишича, Санитария-эпидемиологик осойишталик агентлиги томонидан инфекциянинг тарқалиш йўллари ва ёш бўйича юқиш даражаси юзасидан таҳлиллар олиб борилмоқда. Коронавирус билан касалланишнинг ҳар бир янги ҳолати эпидемиологик нуқтаи назардан ўрганилади.
Аввалроқ Нурмат Отабеков касаллик қўзғатувчиси Ўзбекистон бўйлаб айланиб юрганини айтган эди. Андижонда карантинга олинган фуқароларнинг хонадонларига махсус белгилар ёпиштириб чиқилди.
Мавзуга доир: Ўзбекистонда коронавирусга чалинганларнинг қайси ҳудудларда даволанаётгани маълум қилинди
Изоҳ (0)