Олий ва ўрта махсус таълим вазирлиги бош бошқарма бошлиғи Абдували Холиқов ўқишни кўчириш борасидаги муаммоли масалалар бўйича АОКА ҳузуридаги штабда ташкил қилинган брифингда маълумот берди.
«Хорижий давлатларда ўқиётган республикамиз фуқаролари Ўзбекистон Республикаси ОТМларига ўқишни кўчириш имкониятига эга. Бу Вазирлар Маҳкамасининг 293-сонли қарорида аниқ кўрсатилган.
Ўқув йили тугаганидан кейин 15 июлдан ҳужжатларни қабул қилиш бошланади. Ўзбекистон фуқаролари бўлган талабалар ариза топширишлари мумкин», — дейди Абдували Холиқов.
Шунингдек, Олий таълим вазирлиги мутасаддиси масофавий таълимда таҳсил оладиган талабаларнинг ўқишини кўчириш масалаларига ҳам ойдинлик киритди.
«Ўқишини Ўзбекистондаги таълим муассасига кўчирмоқчи бўлган фуқаролар белгиланган тартибда 15 июлдан 5 августга қадар Олий ва ўрта-махсус таълим вазирлиги томонидан ташкил этиладиган ишчи гуруҳларга тўғридан-тўғри мурожаат қилишлари мумкин», — деди вазирлик бош бошқармасининг бошлиғи.
У коронавирус туфайли олий таълимда ёзги таътил бўлмаса ёки навбатдан ташқари таътил давом этса, ўқишни кўчириш масаласи қандай бўлиши ҳақида ҳам ахборот берди ва карантиннинг давом этиш вақтига қараб айрим жараёнларнинг амалга ошиш даври ўзгариши мумкинлиги, Олий ва ўрта махсус таълим вазирлиги карантин даври тугаши билан тегишли жараёнларни амалга ошириш чораларини кўришини билдирди.
Мавзуга доир:
- Коронавирусга чалинган уч андижонлик Фарғонадаги курсдошлар учрашувига борган. Учрашувда наманганликлар ҳам бўлган
- Олий ва ўрта махсус таълим вазирлиги контракт тўламаган талабаларга стипендия берилмаслиги ҳақидаги хабарларга муносабат билдирди
- Олий таълим вазирлиги карантин талабаларнинг ёзги таътили қисқаришига таъсир қилиши мумкинлигини билдирди
Изоҳ (0)