UFC’нинг енгил вазндаги чемпиони Ҳабиб Нурмагомедов 18 апрель куни Тони Фергюсонга қарши белгиланган чемпионлик камари ҳимояси учун жанги катта эҳтимол билан бекор бўлгани ҳақида гапирди.
«Айни дамда UFC чемпиониман. Тонига қарши жанг менинг айбим билан бекор бўлгани йўқ. Ушбу жангга тайёргарлик кўрдим ва айни дамда ҳам бунга тайёрман. Ва ҳатто ҳозиргина машғулотларни якунладим. Ҳар қандай жойда ва ҳар қандай вақтда. Шунинг учун ҳам спортчиман ва амалдаги чемпионман. Шунчаки, менга жой ва вақтни айтинг, ўша ерда бўламан. Ҳар қандай рақиб билан жанг қилишга тайёрман. Бироқ ҳар доим ҳам ҳамма нарса ўзимизга боғлиқ бўлавермайди», — дейди Ҳабиб Нурмагомедов.UFC Ҳабиб—Тони жангини бешинчи марта ташкил этишга ҳаракат қилди. Бундан олдинги тўртта уриниш ҳам самарасиз якунланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)