Бронхит билан оғриган беморларга қандай табиий муолажалар қўллаш мумкинлиги ҳақида «Ташхис» газетасида бир неча тавсиялар чиқди.
Халқ табобатида бронхитга қарши мурчли чой йўталганда, кўкрак оғриганда терлатувчи дори сифатида қўлланилади. Қора мурч тана аъзоларини тозаловчи, қизитувчи хусусиятларга эга. Шунингдек, асал билан мурч тенг миқдорда аралаштирилиб танглайга суртилса, томоқ оғриғига даво бўлиб, ўпкани тозалайди. Болалар учун мурч ва асалли чой дамламаси айни муддао. Бунинг учун чойнакка ярим чой қошиқ олий навли қора чой, 6-7 дона қора мурч, 2 чой қошиқ асал солиб, устидан 300 мл қайноқ сув қуйилади ва сочиққа ўраб, 4-5 дақиқа дамланади. Сўнгра болаларга ичирилади.
Абу Али ибн Сино турпнинг пиширилгани ва шарбатини бронхит касалига чалинган беморларга тавсия этган. Пиширилган турп шамоллаганда, томоқ ва ўпка касалликларига чалинганда балғам кўчирувҳи восита сифатида тановул қилинади. Шунингдек, майда бўлакланган турпга шакар сепилиб, қопқоқли идишда икки соат духовкада қиздирилади. Ҳосил бўлган суюқлик совитилиб, овқатдан олдин кунига 2 чой қошиқдан 3-4 маҳал болаларга ичирилса, яхшигина наф беради.
Изоҳ (0)