«Рома»да ижара асосида ҳаракат қилаётган, трансфер ҳуқуқи эса «Манчестер Юнайтед»га тегишли бўлган ҳимоячи Крис Смоллинг келаси мавсум ҳам А Серияда қолиши мумкин, деб ёзади Газзетта делло Спорт.
30 ёшли футболчининг хизматларига «Интер» ва «Ювентус» жиддий қизиқиб қолган. «Манчестер Юнайтед» Смоллингни сотиб юборишга тайёр. Бунинг учун харидор клуб 20 миллион евро тўласа бас.
«Рома» ҳам Крисни ўз сафида олиб қолишга қарши эмас, бироқ клуб инглизлар сўраётган маблағни тўлай олмайди.
Жорий мавсум футболчи А Сериянинг 21 та ўйинида иштирок этиб, 2 та гол урди ва 1 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)