Бу ҳақидаги маълумот илк бор Instagram’даги «Это_астана_детка» гуруҳида пайдо бўлган. «Кенесари ҳайкали атрофидаги қирғоқларда остоналиклар томонидан уйи йўқлар ва муҳтожлар учун озиқ-овқат ҳамда антисептик солинган пакетлар ташлаб кетилмоқда», – дейилган маълумотда.
Ёзувга фотосуратлар ҳам илова қилинган, ушбу хайрия акцияси ташкилотчилари ҳамшаҳарларини карантин ва фавқулодда ҳолат даврида «Бардам бўл, биродарим» шиори остида қўллаб-қувватлашни кўзлаган.
Қозоғистоннинг «Tengrinews» мухбири дарё бўйидаги ушбу жойларга борган, бироқ ушбу пакетларни номаълум сабабларга кўра топа олмаган.
Аввал Қозоғистонда коронавирус билан касалланган беморнинг вафот этгани ва бу мамлакатда COVID-19 келтириб чиқарган биринчи ўлим ҳолати бўлгани ҳақида хабар берилганди.
Изоҳ (0)